2012 წლის 3 აპრილს შედგა საქართველოს პრეზიდენტის, მიხეილ სააკაშვილის ვიზიტი ნატო-ს შტაბ-ბინაში. ვიზიტის დროს გაიმართა პრეზიდენტის ორმხრივი შეხვედრა ნატო-ს გენერალურ მდივანთან ანდერს ფოგ რასმუსენთან და მათი ერთობლივი პრესკონფერენცია, რის შემდეგაც ნატო-საქართველოს კომისიის სხდომაზე საქართველოს პრეზიდენტმა მიმართა ჩრდილოატლანტიკურ საბჭოს.

ვიზიტის ძირითადი მიზანი მაისში აშშ-ის ქალაქ ჩიკაგოში დაგეგმილი ნატო-ს სამიტისთვის მომზადება იყო. შეხვედრებზე მხარეებმა განიხილეს რეფორმების განხორციელების მხრივ არსებული მიღწევები და საქართველოს ნატო-ში ინტეგრაციასთნ დაკავშირებული საკითხები.

1-2 აპრილს, ბულგარეთის პრემიერ მინისტრი ბოიკო ბორისოვი ოფიციალური ვიზიტით იმყოფებოდა თბილისში. ვიზიტის ფარგლებში ბორისოვი შეხვდა საქართველოს პრეზიდენტს მიხეილ სააკაშვილს, პრემიერ–მინისტრს ნიკა გილაურს, საქართველოს კათალიკოს პატრიარქს, მის უწმიდესობა ილია II–ს. მხარეებმა განიხილეს ქვეყნებს შორის თანამშრომლობის პერსპექტივები.