27 ივნისს, ელჩმა თამარ ლილუაშვილმა, შეხვედრა გამართა ბულგარეთის საგარეო საქმეთა მინისტრის მოადგილესთან ირენა დიმიტროვასთან.
შეხვედრის ფარგლებში განხილულ იქნა ორმხრივი თანამშრომლობის ძირითადი თემები, შავი ზღვის უსაფრთხოების საკითხები, ასევე საქართველოს ევროკავშირსა და ნატო-ში გაწევრიანების პერსპექტივები.
ამ კონტექსტში, ხაზი გაესვა ნატო-ს მადრიდის სამიტის მნიშვნელობას, რათა არამხოლოდ რეგიონში, არამედ მთელ მსოფლიოში არსებული ცვალებადი უსაფრთხოების გარემო სათანადოდ იქნას განხილული სამიტის დროს და ასახული საბოლოო დოკუმენტებში.