ზურაბ ხამაშურიძე

დაბადების თარიღი და ადგილი

1979  წლის 11  სექტემბერი,  ქ. ბათუმი

პროფესიული გამოცდილება

2025 - დღემდე - ბულგარეთის რესპუბლიკაში საქართველოს საგანგებო და სრულუფლებიანი ელჩი;

2024 წლის პირველი იანვრიდან - 2025 - ესტონეთის რესპუბლიკაში საქართველოს საგანგებო და სრულუფლებიანი ელჩი;

2022 წლის 4 თებერვლიდან 2024 წლის პირველ იანვრამდე მუშაობდა ევროკავშირის გენერალური დირექტორატის ევროინტეგრაციის დეპარტამენტის დირექტორის თანამდებობაზე;

2018 - 2022 - ბელგიის სამეფოში საქართველოს საელჩოსა და ევროკავშირში საქართველოს წარმომადგენლობის საგანგებო და სრულუფლებიანი დესპანი;

2015 - 2018 - გერმანიის ფედერაციულ რესპუბლიკაში საქართველოს საელჩოში იკავებდა თავდაპირველად მრჩევლის, ხოლო შემდეგ - უფროსი მრჩევლის თანამდებობას;

2014 - 2015 - მუშაობდა საქართველოს საგარეო საქმეთა სამინისტროს საერთაშორისო ორგანიზაციების დეპარტამენტში თავდაპირველად ევროსაბჭო-ს, ხოლო შემდეგ - ეუთოს სამმართველოს უფროსის თანამდებობაზე;

2010 - 2014 - ნატო-სთან საქართველოს წარმომადგენლობის მრჩეველი;

2009 - 2010 - მუშაობდა საქართველოს საგარეო საქმეთა სამინისტროს უსაფრთხოების პოლიტიკისა და ევროატლანტიკური ინტეგრაციის დეპარტამენტის ნატო-ს სამმართველოს უფროსის თანამდებობაზე; 

2008 - 2009 - რეინტეგრაციის საკითხებში საქართველოს სახელმწიფო მინისტრის აპარატში იკავებდა სამმართველოს უფროსის თანამდებობას;

2007 - 2008 - კონფლიქტების მოგვარების საკითხებში საქართველოს სახელმწიფო მინისტრის აპარატის კოორდინატორი;

2005 - 2006 - მუშაობდა შრომის საერთაშორისო ორგანიზაციაში კონსულტანტად;

2005 - გერმანიის ფედერაციის თანამშრომლობის სამინისტროს საერთაშორისო თანამშრომლობის ორგანიზაციის (GIZ) მოწვეული სპეციალისტი;

1999 - 2000 - იკავებდა შპს "გლობალ თრეიდი"-ს დირექტორის თანამდებობას; 

1998 - 1999 - აჭარის ავტონომიური რესპუბლიკის უზენაესი საბჭოს საკონსტიტუციო, იურდიული და ადამიანის უფლებათა საკითხებში მუდმივი კომისიის რეფერენტი;

განათლება

2005 წელს დაამთავრა გერმანიის ქ. დარმშტადის დისტანციური სწავლების ინსტიტუტი სისტემური პროგრამირების სპეციალობით;

2001-2005 წლებში სწავლობდა გერმანიის ფედერაციულ რესპუბლიკაში, ქ. ესსენის უნივერსიტეტში პოლიტიკური მეცნიერებების ფაკულტეტზე; 

2001 წელს დაამთავრა საქართველოს ტექნიკური უნივერსიტეტი, საერთაშორისო ტურიზმის სპეციალობით და მიენიჭა ეკონომისტის კვალიფიკაცია;

დიპლომატიური რანგი

2022 წელს მინიჭებული აქვს საგანგებო და სრულუფლებიანი დესპანის  დიპლომატიური რანგი.